由應承參加 呢個節目到而家，我都好清楚知道自己點解要參加，為乜要參加...由細到大我...

由應承參加 呢個節目到而家，我都好清楚知道自己點解要參加，為乜要參加...由細到大我好鍾意運動.. 跑步、跳高、排球、滑板、羽毛球、桌球、詠春我都會玩，我知道有少少詠春底子嘅我一定可以喺呢個節目入面學到更多唔同門派嘅武術.. 加上呢個MMA真人Show嘅題材前所未有咁吸引，香港電視史上未曾有過呢類節目... 我可以學到野之餘，又可以挑戰自己，仲可以俾更多觀眾睇到我堅毅嘅一面，更加了解我。

簽得生死狀行得入個籠入面，我視呢一個真人show係真正嘅比賽，亦因為咁我同所有參賽者都刻意保持距離，唔會太多交流，因為太friend我會打唔落手...喺籠入面無情講，你唔打人就人打你.. 我受傷從來無怨過任何人，無論身上帶住幾多傷我都會盡力完成所有賽事，呢個就係我由細到大玩運動所學番嚟嘅「體育精神」!!
呢半年時間係我成長得最快嘅階段，我有一班又打得又睇得真正有料嘅FFG教練&拳王教我泰拳&巴西柔術，train到我前所未有咁fit； 我亦學識咗為目標堅持；同時我發現身邊原來咁多人支持自己，我亦更加了解自己同其他參賽者係一個點樣嘅人，點樣嘅處事方式... 呢段日子真係獲益良多～ 挑戰自己體能外，仲不斷挑戰緊自己底線！

呢半年我地八個參賽者都付出左最大嘅努力，我真心希望大家每一集都收睇... 睇唔係去留意啲造謠嘅是非，而係睇我地點樣由乜都唔識到走入鐵籠用拳頭為自己而戰鬥。

呢個節目一定好好睇，7/4晚上 10:30PM 免費電視99台 VIU TV 首播~~~ 大家記得追定台坐定定收睇！📺
#ViuTV #G1格鬥會 #channel99 #免費頻道99台 #realfight #fighthard #whatareyoufightingfor #體育精神 #MMAfighter #cage #fight #warrior #fighter #girlfighter #margielakwok #郭思琳 #hkartist #challenge #pressconference #MMA #Promotion #THEONE #tvprogram #realityshow #FFG

---